من الامثال الشعبية المصرية

من الامثال الشعبية

***

يوم النصر مافيهش تعب*
يوم الهدد مافيهش بناية*
يوم لك ويوم عليك*
يوم فى العافية كتير*
يوم عسل ويوم بصل*
يموت المعلم ولا يتعلم*
يموت الزمار وصباعة يلعب*
يمشى على الحيطة ويقول يارب سلم*
يكبوا القهوة من عماهم ويقولوا خير من اللة جاهم*
يقتل القتيل ويمشى فى جنازتة*
يفحتوها الفيران يقعوا فيهاالتيران*
يفتى على الابرة ويبلع المدرة*
يفتح عينة للدبان ويقول دا قضا الرحمن*
يغور الشهد من وش القرد*
يغور الحبس ولو فى بستان*
يعملوها الصغار ويقعوا فيها الكبار*
يعمل الحبة قبة*
يعرج فى حارة العرج*
يضرب فى زفة ويصالح فى عطفة*
يصوم يصوم ويفطر على بصلة*
يدى الحلق للى بلا ودان*
يخلق من ضهر العالم جاهل*
يخلق من الشبة اربعين*
يخاف من الخنفسة ويلعب بالتعبان*
يحسدوا العريان على شراية الصابون*
يجرح ويداوى*
يبيع المية فى حارة السقايين*
يبقى مالى ولا يهنالى*
يا ودن طنى كل ساعة خبر*
يا وحشة كونى نغشة*
واخد القرد على كتر مالة المال يفنى والقرد يفضل على حالة*
ياما جاب الغراب لامة*
ياما فى الجراب يا حاوى
*******************
مع تحيات
هانى سويلم

hanyswailam@hotmail.com
http://hanysamir77.jeeran.com

*********

من الشعر الشعبى‏

البنت بيضا بيضا البنت بيضا وانا اعمل اية


لما قالولى دة ولد انشد ضهرى واتسند
لما قالولى دة غلام انشد ضهرى واستقام
وكلونى البيض مقشر وعلية السمن عام
ولما قالولى بنية الحيطان مالت علية
وكلونى البيض بقشرة وبدل السمن مية



ما تفرحيش يام الولد بكرة مراتة تاخدة وتحرمك من جنية واللى يجيبة تاخدة



يجيب المشمش فى كمة ويحود بية عن اودة امة

خلية ولو يطلع قاسى ويضربنى ويفلق راسى
ويكب طبيخة فى الحارة ويقول دة فى امى خسارة

ولما قالوا دى بنية قلت الحبيبة جاية تكنس لى وتفرشلى وتسخن لى المية وتخدمنى



يابت جولى لابوكى خلية يديكى لى
وان مارضيشى ابوكى امك ميالة لى
دة انتى بنية عمنول وانا ولد السنة دى


يا حمام العمدة ياحمام الغفير
واللى عندة واحدة سمينة يوديها للخراطين
واللى عندة واحدة رفيعة يوديها للعلافين
واللى معاة واحدة سودة يوديها للبياضين
واللى معاة واحدة بيضا يرمى عليها البشكير
تعالى تعالى يابيضا تعالى
مهر البيض غالى
مهرك ياصبية يتشال فى صوانى
آة يا بيضا آة يابيضا
ونشيلك شيل يا بيضا
ونحطك حط يا بيضا
ونخلى العازل يا بيضا
يتشال يتحط يا بيضا

الجرف وجعنى وانا نازلة املى الجلل
عدى عليا ابن عمى وانا جلت طلعنى
عمل دويرة وجاللى دراعى بيوجعنى
والجرف وجعنى وانا نازلة باملا الجلل
عدى عليا ابن خالى انا جلت طلعنى
عمل دويرة وجاللى دماغى بيوجعنى
وانا نازلة باملا الجلل
عدى عليا الغريب
انا جلت طلعنى
شمر دراعة اليمين ونزل وطلعنى
جاللى اجيب لك دوا
جلت الدوا عندى
جاللى نجيب لك حكيم
جلت الحكيم ربى
وانا نازلة باملا الجلل

طلعت فوج السطوح السطح وجعنى
كسر دراعى اليمين والتانى يوجعنى
جالولى تاخدى ابن عمك
جلت لا واللة
جالولى تاخدى ابن خالك
جلت حد اللة
جالولى تاخدى الغريب حفضة باسم اللة

درج الحمام ع الكوم
ولا فيش جواز اليوم
كلو بعضكم يابنات
درج الحمام ع الجنا
ولا فيش جواز السنة
كلو بعضكم يا بنات
بلحك سوس يا عبدة
بيعة واتجوز ياعبدة
يا اسطى سيد سوج على طول شارعنا ديج مافيهوش نور

جوز الحمام يا امة
جوز الحمام يوة
جوز الحمام بعشرة
مين يشترية يوة يوة

عروستنا منين منين م الحارة الفلانية
حاطة الجلة على الشباك وغطاها وردات وردات
وعريسها مع البشوات ما يجيش الا الساعة اتنين
حاطة الجلة على السرير وغطاها مناديل مناديل
وعريسها مع المدير
ما يجيش الا الساعة اتنين

يا عروسة بيضتى الشاش
ياعروسة جوزك حشاش
شعرك حلتية ياعروسة لازم تلمية ياعروسة
وابو العروسة كان هنا من ساعة
ومهاة دواية من الدوا اللماعة
وابو العروسة كان هنا العصرية
ومعاة دواية من الدوا المصرية
يام العروسة كتر اللة خيرك
خدنا العروسة وجلعنا عينك
وابو العروسة ان كان جعان يتعشى
بنتك اصيلة نورت الفرشة
وابو العروسة انكان جعان ياجى ياكل
بنتك اصيلة نورت الحاصل

يامة ويا لمة ويا لمية
بيتنى صاحية والدموع فى عينية
على اية بتضربنى وانا اسمى هانم
ومولعة الفونتار على السلالم
من يوم جوازى بيك ما شفت هنية
يا رايحين السوج جول لحمية موسى ضرب ست البنات روحية
يا دينى يامة الحليوة برة
يا دينى ديك رومى ياحبيبى ديك رومى
طلجنى وهات لى هدومى
وعوضى على اللة
يادينى ديك بلدى يا حبيبى ديك بلدى
طلجنى وهات لى ولدى
وعوضى على اللة

وانا مالى انا لمل يخاصمنى سنة
البس لة بدلة بيضا واجلع لة بدلة بيضا
جلتلة رايحة الاوضة
جاللى مخاصمك سنة
البس لة بدلة بمبى واجلعلة بدلة بمبى
وملت لة على جنبى
جاللى مخاصمك سنة
البس لة بدلة كاكى واجلع لة بدلة بدلة كاكى وخدة على وراكى
جاللى مخاصمك سنة

كيف ما حبنا
يا ليلى ونحبة كيف ما حبنا
همل بنات عمة وجة عندنا
كيف مص الجصب
يا ليلى كيف مص الجصب
همل بنات عمة وجانا وخطب

دخل الحرامى وانا نايمة
حسس ودسس وانا نايمة
وسرج لباسى وانا نايمة
من تحت راسى وانا نايمة
يا جميص السهراية يا بتاع النوم
حط ايدة على دراعى لم جانى النوم
حط ايدة على كتفى لم جانى النوم
حط موسى على عيسى ولطشنى النوم

كابس عليا النوم
جومى يا حماتى روحى
جوم بل العيش ولة يا على
جوم بل العيش فى الجروانة
وانا جاتنى امك زعلانة
جوم وطى اللنضة
بلليل بلليل بشويش بشويش
ولة يا على
ولة يا على

اوعى تجول للندل يا عم
ولو كان على السرج راكب
ولا حد خالى من الهم حتى جلوع المراكب

موعظة ... لأبنى العزيز

موعظة... لأبنى
******
قال الوالد لأبنة وهو يعظة : يا بنى اذا كانت لديك مشاكل كثيرة مجتمعة عليك
فى دراسة وتحصيل موادك الدراسية , فعليك بأن تنظر الى جميع المشاكل
نظرة شاملة فى الحل , فلا يمكن ان تحل المشاكل بألاهتمام بمشكلة واحدة
والعمل على حلها بمفردها , ثم الاتجاة الى المشكلة الأخرى ... وهكذا.
لا يا بنى , لكن عليك ان تقوم بتخصيص بعض الوقت لكل مشاكلك كل يوم
بمعنى ان تقوم بدراسة ومتابعة معظم موادك الدراسية كل يوم , وبطريقة متوازية
حتى لا تهتم بمادة فتقتطع من الاخرى وقتها , فلا تسقط المشاكل الاخرى من حسبانك
لحين حل المشكلة الاولى , ففى ذلك ... نعم قد فرغت من حل هذة المشكلة , ولكن
سوف تتراكم عليك المشاكل الأخرى , وتتربص بك , فيصعب حلها.
لذا ... يا بنى عليك ان تواجة المشاكل التى امامك بهدوء, واستيعاب , ومتابعة,
دفعة واحدة متوازية فى فهم ومثابرة وايضا بمتابعة , كل ذلك فى رغبة ملحة فى النجاح.
بذلك سوف تنجح يا بنى فى حياتك.


هانى سويلم
hanyswailam@hotmail.com
http://qanter.50megs.com

***

لمن هذا النعيم ؟

***
هيا بنا ننعم بتخيل الحياة فى الجنة ,
حيث ما لا عين رأت ولا اذن سمعت ولا خطر على قلب بشر .
كل ذلك فى حدود علمنا القليل القاصر على التخيل بما فى الواقع هناك !!
ليست هناك حروب وقتل .
هناك لن تجد صحف الصباح مليئة بصور قتل الانسان لأخية الانسان .
هناك تجد الحياة رغدة بكر عامرة بالخضرة والجنان .
هناك تسكن فى قصر عظيم و تنعم بكل متطلبات الحياة بغزارة و بوفرة
هناك تجد الحور العين فى انتظارك
جزاء ما صنعت هنا من خير لنفسك و لغيرك .
هناك تجد اصدقائك واحبائك ...
ابيك وامك جزاء ما احسنت لهم .
فهل اعددت نفسك الان لهذة الحياة الاجمل والخالدة ؟
حذارى ان تتعالى فى الارض
حذارى ان تفسد فيها
حذارى ان تقتل اخيك الانسان
حذارى ان تستغل قوت الناس
فهل تفعل ذلك الآن ؟
انتهى !
حب لأخيك ما تحب لنفسك فكلنا من آدم
و تخيل... آدم من تراب الارض !!
اعمل الخير ... وفقط
وسوف تسمع ذات يوم هو قاب قوسين او ادنى
سلاما سلاما

هانى سويلم
hanyswailam@hotmail.com
http://hanysamir77.jeeran.com
***

وصية ام لأبنتها

قالت أم لابنتها ليلة زفافها وهي تودعها أي بنيّــة إنك قد فارقت بيتك الذي منه خرجت ووكرك الذي فيه نشأت إلى وكر لم تألفيه وقرين لم تعرفيه فكوني له أمة يكن لك عبدا واحفظي له عشر خصال يكن لك ذخرا أما الأولى والثانية فالصحبة بالقناعة والمعاشرة بحسن السمع والطاعة أما الثالثة والرابعة فالتعهد لموقع عينيه والتفقد لموضع أنفه فلا تقع عيناه منك على قبيحولا يشمن منك إلا أطيب ريح والكحل أحسن الحسن الموصوف والماء والصابون أطيب الطيب المعروفوأما الخامسة والسادسة فالتفقد لوقت طعامه والهدوء عند منامه فإن حرارة الجوع ملهبة وتنغيص النوم مكربة وأما السابعة والثامنة فالعناية ببيته وماله والرعاية لنفسه وعياله أما التاسعة والعاشرة فلا تعصين له أمرا ولا تفشين له سرا فإنك أن عصيت أمره أوغرت صدره وإن أفشيت سره لم تأمني غدره ثم بعد ذلك .. إياك والفرح حين اكتئابه والاكتئاب حين فرحه فإن الأولى من التقصيروالثانية من التكدير وأشد ما تكونين له إعظاما أشد ما يكون لك إكراما ولن تصلي إلى ذلك حتى تؤثري رضاه على رضاك وهواه على هواك فيما أحببت أو كرهت والله يصنع لك الخير واستودعتك الله

ملحوظة: الام اسمها امامة بنت الحارث
الابنة اسمها ام اياس
الزوج اسمة عمر بن حجر امير كندة
*******************
مهندس
هانى سويلم
القاهرة للادوية